1. Öyle ser-mestem ki idrâk etmezem dünyâ nedür
Men kimem sâkî olan kimdür mey û sahbâ nedür
2. Gerçi cânândan dil-i şeydâ içün kâm isterem
Sorsa cânân bilmezem kâm-ı dil-i şeydâ nedür
3. Vasldan çün âşık-ı müstâğni eyler bir visâl
Âşıka ma'şûkdan her dem bu istiğnâ nedür
4. Hikmet-i dünyâ vü mâfîhâ bilen ârif degül
Ârif oldur bilmeye dünyâ vü mâfîhâ nedür
5. Âh u feryâdun Fuzûlî incidübdür âlemi
Ger belâ-yı ışk ile hoşnûd isen gavgâ nedür
Güfte: Fuzûlî
Gazelhân: Kazancı Bedîh
Yorumlar
Yorum Gönder